Eksimer lazer nədir?

Eksimer lazer, gözün buynuz qişasının formasını dəyişdirmək üçün istifadə edilən yüksək dəqiqlikli tibbi lazerdir. O, buynuz qişasının səthi qatlarına təsir edərək, toxumanın incə qatlarını mikron dəqiqliyi ilə buxarlandırır və bununla refraksiya qüsurlarını aradan qaldırır, eyni zamanda ətrafdakı toxumalara heç bir zərər vermir. Bu proses, gözün düzgün fokuslanmasını təmin edərək, şüanın retinaya doğru şəkildə çatmasına kömək edir. Lazer mikron dəqiqliyi ilə işləyir, bu da onu buynuz qişasında dəqiq və təhlükəsiz manipulyasiyalar üçün ideal vasitə edir.

Eksimer Lazer üçün göstərişlər

Lazer görmə korreksiyası, aşağıdakı görmə qüsurlarından əziyyət çəkən və 18 yaşdan böyük olan xəstələr üçün uyğundur:

Miopiya (Yaxıngörmə) (10 dioptriyaya qədər),
Hipermetropiya (uzaqgörmə) (6 dioptriyaya qədər),
Astiqmatizm (±6 dioptriyaya qədər).

Prosedurun uğurla həyata keçirilməsi üçün görmənin ən azı bir il ərzində sabit olması lazımdır. Mümkün əks göstərişləri istisna etmək üçün mütləq göz həkimi tərəfindən ətraflı müayinə olunmalısınız.

Prosedur necə həyata keçirilir?

Eksimer lazer ilə görmə korreksiyası hər göz üçün təxminən 2-3 dəqiqə davam edir. Prosedur başlamazdan əvvəl hər iki gözə yerli anestetik (ağrıkəsici) damcılanır. Prosedur zamanı pasiyent heç bir ağrı hiss etmir. Cərrah xüsusi mikrokeratom cihazdan istifadə edərək buynuz qişanın səthində nazik bir qapaq (flap) yaradır. Bu qapaq qaldırılır, amma gözdən ayrılmır. Daha sonra isə Lazer görmə qüsuruna uyğun olaraq buynuz qişasının formasını saniyələr ərzində dəyişir və görməni tam bərpa edir! Sonra isə yaradılmış qapaq (flap) yerinə qaytarılır və pasiyentin gözündə heç bir batma - narahatlıq hissi olmasın diyə bir günlük qoruyucu linza qoyulur və gözün səthinə yerli antibiotik damcılanır. Beləliklə Eksimer Lazer əməliyyatı bitmiş sayılır.

EYNƏK yoxsa EYNƏKSİZ?

Lazer korreksiyasının üstünlükləri

Təhlükəsizlik:

Lazer korreksiyası oftalmologiyada ən təhlükəsiz və geniş tədqiq edilmiş prosedurlardan biridir.
Sürətli bərpa:

Prosedurdan bir neçə gün sonra xəstə normal həyata qayıda bilir.
Kəsiksiz və tikişsiz prosedur

Lazer korreksiyası üçün cərrahi kəsiklər və tikişlər tələb olunmur.
Uzunmüddətli nəticə:

Prosedurdan sonra görmə keyfiyyəti illərlə sabit qalır və təkrar müdaxilə tələb etmir.

Əks göstərişlər

Lazer görmə korreksiyası üçün bir sıra əks göstərişlər mövcuddur, bunlara aşağıdakılar daxildir:

Hamiləlik və laktasiya dövrü,
Göz xəstəliklərinin ağır formaları (katarakta, qlaukoma, tor qişanın qopması),
Dekompenzasiya mərhələsində şəkərli diabet,
Autoimmun xəstəliklər (məsələn, revmatoid artrit),
Gözlərdə iltihablı proseslər.

Tez - Tez verilən suallar:

Pasiyent:

Görmə dərhal bərpa olunurmu?

Doktor

Görmə qabiliyyəti dərhal yaxşılaşır, lakin tam nəticə əldə etmək üçün bir neçə gün və ya həftə lazım ola bilər. Əməliyyatdan sonrakı ilk günlərdə görmə bir qədər bulanıq və qeyri-sabit ola bilər.

Pasiyent:

Prosedurdan sonra eynək və ya linza taxmaq lazım olacaqmı?

Doktor:

Lazer korreksiyasından sonra əksər insanlar uzun illər eynək və ya kontakt linzaya ehtiyac duymur. Ancaq yaşla bağlı dəyişikliklər (presbiopiya) nəticəsində yaşlı dövrlərdə oxu eynəkləri lazım ola bilər.

Pasiyent:

Prosedurdan sonra gözlərə necə qulluq etməliyəm?

Doktor:

Əməliyyatdan sonra gözləri ovuşdurmaqdan çəkinmək, həkim tərəfindən təyin olunan damcılardan istifadə etmək və ilk günlərdə gözləri su və tozdan qorumaq lazımdır. Həkimin verdiyi tövsiyələrə əməl etmək sürətli və uğurlu bərpa üçün çox vacibdir.

Canlı randevu alın

Əlaqə məlumatlarınızı yazın, köməkçim tez bir zamanda sizinlə əlaqə saxlayacaq.

Əlaqə

+99455 555 39 29
rashadatqurbanov@gmail.com

Ünvan: Nərimanov rayonu, Faiq Yusifov küç. 146A. Lux İnternational Hospital.